نەوا-
تۆم باراك نێردەی تایبەتی سەرۆكی ئەمریكا بۆ كاروباری سووریا ئەمرۆ پەیامێكی دەربارەی دیدارەكەی دوێنێ شەوی لەگەڵ سەرۆك وەزیرانی عێراقدا بڵاوكردەوە و ڕایگەیاند،كۆبوونەوەی بەرهەمدارم لەگەڵ محەمەد شیاع سوودانی ئەنجامدا بۆ گفتوگۆكردن لەسەر ئامانجە بەردەوامەكانی عێراق بۆ بنیاتنانی داهاتوویەكی خاوەن سەروەری و سەقامگیر و ئاوەدان كە هاوتەریب بێت لەگەڵ خواست و پلانی ئاشتی و خۆشگوزەرانی دۆناڵد ترەمپ لە ناوچەكەدا
ئاماژەی بەوەشدا، پێویستی بوونی سەركردایەتی كاریگەر كە خۆی لەگەڵ سیاسەتەكانی سەقامگیری زیاتر بۆ عێراق و گەلی عێراق هاوتەریب بكات، كلیلی بەدیهاتنی ئامانجە هاوبەشەكانمانە.