له‌سه‌ر روداوی شه‌مه‌ندۆفێره‌كه‌ی میسر فه‌رمانی گرتن بۆ شه‌ش كه‌س ده‌رده‌چێت

02/03/2019 جیهان

نه‌وا
داواكاری گشتی میسر فه‌رمانی كردووه‌ له‌ چوارچێوه‌ی لێكۆڵینه‌وه‌كان سه‌باره‌ت به‌ روداوی شه‌مه‌نده‌فه‌ره‌كه‌ی قاهیره‌ی پایته‌خت، شه‌ش كه‌س ده‌ستگیربكرێن.
نه‌بیل سادق داواكاری گشتی میسر رۆژی هه‌ینی ئه‌و فه‌رمانه‌ی ده‌ركرد پاش ئه‌وه‌ی لێكۆڵینه‌وه‌ سه‌ره‌تاییه‌كان ئاماژه‌یان بۆ هه‌ڵه‌ و كه‌مته‌رخه‌می ئه‌و شه‌ش كه‌سه‌ كردبوو، له‌ نێویاندا شۆفێری شه‌مه‌ندۆفێره‌كه‌ و یاریده‌ده‌ره‌كه‌ی، له‌گه‌ڵ كرێكاری به‌رپرس له‌ گۆڕینی ئاڕاسته‌ی هێڵه‌كان.
رۆژی چوارشه‌ممه‌ی رابردو له‌ وێستگه‌ی ره‌مسیسی قاهیره‌ شه‌مه‌ندۆفێرێك به‌ خێراییه‌كی زۆر خۆی كێشا به‌ به‌ربه‌ستی كۆتایی هێڵێكی وێستگه‌كه‌ و به‌هۆیه‌وه‌ تانكه‌ری سوته‌مه‌نی شه‌مه‌ندۆفێره‌كه‌ ته‌قییه‌وه‌ و 20 كه‌س گیانیان له‌ده‌ستدا و زیاتر له‌ 47 كه‌سیش برینداربون.


شەپۆلەکانی نەوا

  • زۆرترین خوێندراو
  • دواترین هەواڵ
Copyright © 2017 - Radio Nawa. Designed and Developed by Avesta Group