نەوا
حكومەتی ئوسترالیا رەزامەندی لەسەر داوایەكی ئەمریكا دەربڕی بۆ بەشداریكردن لە پێكهێنانی هێزێكی نێودەوڵەتی لە گەرووی هورمز.
سكۆت مۆریسۆن سەرۆك وەزیرانی ئوسترالیا ڕایگەیاند: بۆ پاراستنی بەرژوەندیەكانیان و پاراستنی كەشتیە نەوتهەڵگرەكان لە هەڕەشەكانی ئێران، وڵاتەكەی بەشدار دەبێت لە پێكهێنانی هێزێكی نێودەوڵەتی لە گەرووی هورمز، چونكە هەر جۆرە ئاڵۆزییەك زیان بە بەرژوەندیەكانی ئوسترالیا دەگەیەنێت.
لەدوای هێرشكردنە سەر چەند كەشیەكی نەوتهەڵگر و دەستبەركردنی كەشتیەكی نەوتهەڵگری بەریتانیا، خواستی پێكهێنانی هێزێكی نێودەوڵەتی لە گەرووی هورمز لەلایەن ئەمریكا زیاتربووە، چەند وڵاتێكیش ئامادەییان بۆ بەشداریكردن لەو هاوپەیمانییە دەربڕیووە.