نەوا
تەرمی شاعیری ناسراوی كوردستان محەمەد عومەر عوسمان بە خنكاوی لە ماڵەكەیدا لە سلێمانی دۆزرایەوە.
لەو بارەوە پۆلیسی سلێمانی لە راگەیەنراوێكدا بڵاویكردەوە، ئێوارەی رۆژی سێ شەممە 2019/10/22، تەرمی هاوڵاتی محەمەد عومەر عوسمان ناسراو بە (ژەنەڕاڵی پایز) پیشە شاعیرو نوسەر لە ماڵەكەیدا دۆزراوەتەوە.
راشیگەیاندووە، "پاش ئاگادار كردنەوەی هێزەكانی پۆلیسو گەیشتنی تیمەكانی بەڵگەی تاوان بۆ شوێنی ڕوداوەكە، بەپێی لێكۆڵینەوە سەرەتاییەكان، دەركەوت كە ناوبراو لەڕێی خۆهەڵواسینەوە لەماڵەكەی خۆی كۆتایی بەژیانی خۆیهێناوە".
محەمەد عومەر عوسمان تەمەنی 67 ساڵەو یەكێكە لەشاعیرو نوسەرە دیارەكانی شاری سلێمانیو هەرێمی كوردستان.