واده‌ی ده‌ستپێكردنی كاره‌كانی نوسینه‌وه‌ی ده‌ستوری سوریا راگه‌یه‌نرا

28/10/2019 جیهان

نه‌وا
نوێنه‌ری تایبه‌تی نه‌ته‌وه‌ یه‌كگرتوه‌كان بۆ كاروباری سوریا رایگه‌یاند، سه‌ره‌تای مانگی داهاتوو لیژنه‌ی نوسینه‌وه‌ی ده‌ستوری سوریا ده‌ستبه‌كاره‌كانی ده‌كات.
گیر پیده‌رسن نوێنه‌ری تایبه‌تی نه‌ته‌وه‌ یه‌كگرتوه‌كان بۆ كاروباری سوریا رایگه‌یاند، رۆژی 1ی نۆڤه‌مبه‌ری ئه‌مساڵ، كاره‌كانی پرۆژه‌ نوسینه‌وه‌ی ده‌ستوری سوریا ده‌ستپێده‌كات.
وتیشی، "ده‌بێت ده‌ستور ببێته‌ هۆكاری چاره‌سه‌ركردنی قه‌یرانه‌كانی سوریا".
گیر پیده‌رسن سه‌باره‌ت به‌ ژماره‌ی ئه‌ندامانی لیژنه‌ی نوسینه‌وه‌ی ده‌ستور وتی،"ژماره‌ی ئه‌ندامانی لیژنه‌كه‌ 150 كه‌سن و 30٪ی ئه‌ندامه‌كانی ئافره‌تن و جگه‌ له‌ نه‌ته‌وه‌ یه‌كگرتوه‌كان هیچ وڵاتێكی دیكه‌ به‌شداری له‌ نوسینه‌وه‌ی ده‌ستوری سوریا ناكات، به‌ڵكو ده‌بێت سورییه‌كان خۆیان ده‌ستوره‌كه‌یان بنوسنه‌وه‌".

شەپۆلەکانی نەوا

Copyright © 2017 - Radio Nawa. Designed and Developed by Avesta Group