نەوا
لە نزیك شاری سەرپێڵی زەهاو لە رۆژهەڵاتی كوردستان دیوارێكی مێژوویی دۆزرایەوە كە درێژیەكەی 115 مەترە و باس لەوەدەكرێت 2400 ساڵ بەر لە ئێستا دروست كراوە.
دیوارەكە كەوتوەتە داوێنی شاخی بەمۆ و لە نزیك گوندێكی باكوری شاری سەرپێڵە و بە وتەی شوێنەوارناسان لەسەدەی چواری بەر لە زایین دروست كراوە.
شوێنەوارناسان باسیان لەوەكردووە، هەرچەندە بەشێكی زۆری دیوارەكە لە ناوچووە، بەڵام بەپێی خەملاندنەكانیان پانی دیوارەكە چوار مەتر و بەرزیەكەشی 4 مەتربووە و لە دروستكردنیدا یەك ملیۆن مەتری چوارگۆشە بەرد بەكارهێنراوە.
هەر بە وتەی شوێنەوارناسان پێدەچێت دیوارەكە سنوری ئیمپارتۆریەتێكی لەگەڵ دەوروبەری جیاكردبێتەوە و بەدوریشی نازان بۆ سەردەمی ئەشكانی یان ساسانیەكان بگەڕێتەوە.
هەرچەندە شوێنەوارناسان دیوارەبەردینەكەیان تازە دۆزیوەتەوە بەڵام دانیشتوانی ناوچەكە هەر لە كۆنەوە ئەو دیوارەیان وەك دیواری گاوری ناسیوە، كە ئاماژەیەكە بۆ سەردەمی زەردەشتیەكان.