هۆشیار عەبدوڵڵا: حەیدەر عەبادی موجامەلەی مەسعود بارزانی كرد

09/11/2019 عێراق

نەوا
هۆشیار عەبدوڵڵا ئەندامی پەرلەمانی عیراق رەخنە لە حەیدەر عەبادی سەرۆك وەزیرانی پێشوی عیراق دەگرێت و دەشڵێت "حەیدەر عەبادی لە كۆتایی خولی سەرۆكایەتییەكەیدا موجامەلەی مەسعود بارزانی سەرۆكی پارتی دیموكراتی كوردستانی كرد بۆئەوەی رازی بێت ویلایەتی دووەم وەربگرێتەوە".
هۆشیار عەبدوڵڵا لەلێدوانێكی رۆژنامەوانیدا ئاماژەی بەوەداوە، بەشێك لەو كێشانەی هەیە بەتایبەتی لەسەرئاستی خزمەتگوزاری و نەوت، دەگەڕێتەوە بۆ سەردەمی حەیدەر عەبادی سەرۆك وەزیرانی پێشوو، چونكە فەلسەفەی دواخستنی هەبوو، هەروەها دوو گوتاری هەبوو یەكێكیان ئاشكرا و ئەوی دیكەیان نهێنی.
وتیشی "عەبادی لە راگەیاندنەكاندا بەشێوەیەك قسەی دەكرد و بەنهێنیش بەشێوەیەكی دیكە، لەكۆتایی خولەكەشیدا موجامەلەیەكی گەورەی مەسعود بارزانی كرد بۆئەوەی رازی بێت ویلایەتی دووەم وەربگرێتەوە.
ئەو پەرلەمانتارە كوردە پێیوایە، عەبادی سەركەوتنی نیشتمانی بەدەستنەهێنا، لەڕووی دنیابینییەكی پێگەیشوی ستراتیژییەوە شكستێكی گەورەی هێناوە. 


شەپۆلەکانی نەوا

Copyright © 2017 - Radio Nawa. Designed and Developed by Avesta Group