پشكی هه‌رێم له‌ پرۆژه‌یاسای بودجه‌ی عیراق راگه‌یه‌نرا

20/09/2020 عێراق

نه‌وا
به‌وته‌ی ئه‌ندامێكی لیژنه‌ی دارایی له‌ په‌رله‌مانی عیراق، پشكی هه‌رێمی كوردستان له‌ پڕۆژه‌یاسای بودجه‌ی 2020دا زیاتر له‌ 12 ترلیۆن دیناره‌.
ئه‌ندامێكی لیژنه‌ی دارایی په‌رله‌مانی عیراق به‌ سایتی مه‌عولمه‌ی راگه‌یاندووه‌، كه‌ له‌ پڕۆژه‌یاسای بودجه‌ی 2020دا بڕی 12 ترلیۆن و 606 ملیۆن دینار وه‌ك پشكی هه‌رێمی كوردستان دیاری كراوه‌.
سه‌باره‌ت به‌ پڕۆژه‌یاسای بودجه‌ی ساڵی 2021، ئه‌ندامه‌كه‌ی لیژنه‌ی دارایی په‌رله‌مانی عیراق رایگه‌یاندوه‌، كه‌ تائیستا پڕۆژه‌كه‌ نه‌گه‌یشتوه‌ته‌ په‌رله‌مان و ناشزانرێت پشكی هه‌رێمی كوردستان چه‌نده‌.
به‌هۆی خۆپیشاندانه‌كان و دواتر گۆڕانكاری له‌ حكومه‌ت و پاشانیش بڵاوبوونه‌وه‌ی كۆرۆنا پڕۆژه‌یاسای بودجه‌ نه‌چووه‌ په‌رله‌مان و په‌سه‌ندكردنیشی له‌ ئێستادا ته‌نها بۆ چه‌ند مانگی كۆتایی ساڵه‌.

شەپۆلەکانی نەوا

Copyright © 2017 - Radio Nawa. Designed and Developed by Avesta Group