نەوا-
ناوەندی راگەیاندن و چاپەمەنی هێزەكانی سوریای دیموكرات "هەسەدە" بڵاویكردەوە، 23 كارمەندی دیكەی گرتوخانەی غوێران رزگاركران، كە لەلایەن چەتەكانی داعشەوەبە دیل گیرابوون.
هەسەدە لە راگەیەندراوێكدا باسی لەوە كردووە، بەیانی ئەمڕۆ چوارشەممە لە ئۆپەراسیۆنە ئەمنی و سەربازیی
هێزەكانماندا 6 كارمەندی گرتووخانەی غوێران رزگاركران، كە لەلایەن چەتەكانی داعشەوە بەدیل گیرابوون.
رونیشكراوەتەوە، لە ئۆپەراسیۆنێكی دیكەدا و كاتژمێر 10ی شەوی رابردوو 17 دیلی تر رزگار كراون و بەوەش كۆی گشتی رزگار كراوان گەیشتنە 23 كەس، ئۆپەراسیۆنی گەڕان و پشكنینی هێزەكانیان لە گرتووخانەكە بەردەوامە.
لە چەند رۆژی رابردوودا چەكدارانی داعش هێرشیان كردە سەر گرتووخانەی غوێران لە حەسەكە و لە ناوەوەش زیندانییەكان هەڵاتن و چەند رۆژێكە شەڕ بەردەوامە، دەیان چەكداری داعش كوژراون و دەیانی تریش دەستگیر كراونەتەوە.