هێزەكانی عیراق حەشارگەیەكی بەتاڵانبردنی نەوت لە پارێزگای سەڵاحەدین ئاشكرادەكەن و دەستیبەسەردا دەگرن.
وەزارەتی نەوتی عیراق بڵاویكردۆتەوە، لەچوارچێوەی پرۆسە ئەمنییەكان بۆ بەسزاگەیاندنی ئەو مافیایانەی حەشارگەیان بونیاتناوە بۆ بەتاڵانبردنی نەوت و بەرهەمەكانی، بەڕێوەبەرایەتی پۆلیسی وزە لەماوەی چەند سەعاتی رابردودا لەپارێزگای سەڵاحەدین دەستیانگرت بەسەر حەشارگەیەكدا كە نەوت و بەرهەماكانیان بەتاڵان دەبردو بە نایاسایی بازرگانیان پێوە دەكرد.
راشیگەیاندوە، لە حەشارگەكەدا چوار عەمباری گەورەی پڕ لە بەرهەمی نەوتیان دەستبەسەرداگرتوەو دوو تۆمەتباریشیان بەتۆمەتی بردن و بازرگانیكردنی نایاسایی دەستگیر كردوە.
وەزارەتی نەوت ئاشكراشیكردوە، بەشی بازگەكانیش بە هاوكاری بنكەكانی پۆلیسی نەوت لە پارێزگاكانی نەینەواو بابل و بەسرەو سەڵاحەدین 5 تانكەری قاچاخیان دەستبەسەردا گرتوەو سێ تۆمەتباریشیان دەستگیر كردوە.
![](https://nawaradiostorage.blob.core.windows.net/root/root/images/288528731_322372423435718_8299182442754902098_n.jpg)
![](https://nawaradiostorage.blob.core.windows.net/root/root/images/288842682_322372403435720_2712790053606924742_n.jpg)