نەوا-
چەند لایەنێكی سیاسی لەدوای كۆنگرە رۆژنامەوانییەكەی فراكسیۆنی پارتی دیموكراتی كوردستان لە پەرلەمانی كوردستان و بانگهێشتنامەكەی دیوانی سەرۆكایەتی پەرلەمان، بڕیاری خۆیان رایگەیاند لەبارەی كۆبونەوەكەوە.
رەوتی هەڵوێست لە راگەیەنراوێكدا ئاشكرایكردوە، بەشداری دانیشتنی پەرلەمان ناكەن بۆ هەڵبژاردنی دەستەی سەرۆكایەتی پەرلەمان، چونكە لە سەرەتاوە بڕیاریانداوە ئۆپۆزسیۆن بن، ئەركی ئۆپۆزسیۆنیش نییە دەستەی سەرۆكایەتی بۆ هێزێك یان دوو هێزی دەسەڵاتدار هەڵبژێرێت و دواتر ئەوان سەرۆكی هەرێم و حكومەت دیاری بكەن.
لەلایەن خۆشیانەوە جێمس حەزدۆ و رامی نوری نوێنەرانی پێكهاتەی كلدان، سریان، ئاشوری و ئەرمەن لە هەولێر و دهۆك داوایانكردوە سەرجەم فراكسیۆنەكان لە هۆڵی پەرلەمان ئامادەبن بۆ تەواوكردنی دانیشتنی یەكەمی پەرلەمان.
هەروەها مونا قەهوەچی سەرۆكی فراكسیۆنی پارتی چاكسازیی توركمان لەكۆنگرەیەكی رۆژنامەوانیدا ئاشكرایكرد كە یاداشتیان پێشكەشی سەرۆكایەتی دیوانی پەرلەمان كردوە تاوەكو ئەم بۆشایی یاسایی نەمێنێت و پەرلەمان كۆبێتەوە.