دورودرێژترین گه‌شتی ئاسمانی له‌ مێژوودا ئه‌نجامدرا

پێش 4 هەفتە هەمەڕەنگ

نه‌وا
كۆمپانیای "كانتاس"ی ئوسترالی دورودرێژترین گه‌شتی بازرگانیی ئاسمانی له‌ مێژووی فڕۆكه‌وانیدا رێكخست و تاقیكردنه‌وه‌كه‌شی له‌سه‌ر فڕۆكه‌وان و ستافی فڕۆكه‌وانی و گه‌شتیارانیش ئه‌نجامدا.
به‌گوێره‌ی زانیارییه‌كانی كۆمپانیاكه‌، گه‌شته‌كه‌ به‌ فڕۆكه‌یه‌كی جۆری بۆینگ 787-9 ئه‌نجامدراوه‌ و 49 كه‌سی تێدابوه‌، ماوه‌ی 19 كاتژمێر و 16 خوله‌ك به‌ ئاسمانه‌وه‌ بوه‌ و گه‌شتیاره‌كانی له‌ نیویۆركی ئه‌مریكاوه‌ بۆ سیدنی ئوسترالیا گواستوه‌ته‌وه‌. درێژی گه‌شته‌كه‌ش گه‌یشتوه‌ته‌ 16 هه‌زار و 200 كیلۆمه‌تر.
هه‌مان كۆمپانیا به‌نیازه‌ له‌ مانگی داهاتودا گه‌شتێكی دیكه‌ی دورودرێژ له‌نێوان له‌نده‌نی پایته‌ختی به‌ریتانیا و شاری سیدنی ئوسترالیا رێكبخات.
گه‌شته‌كان بار هه‌ڵناگرێت و ته‌نها جانتای ده‌ستی رێی پێدراوه‌، به‌نزینی ته‌واوه‌تی هه‌ڵگرتوه‌ و هه‌ردوو ته‌نكییه‌كه‌ی پڕكراوه‌ بۆئه‌وه‌ی پێویستی به‌ نیشتنه‌وه‌ نه‌بێت له‌ هیچ فڕۆكه‌خانه‌یه‌كدا.
ئه‌گه‌ر ئه‌و دوو گه‌شته‌ سه‌ركه‌وتنی ته‌واوه‌تیان به‌ده‌ستهێنا، ئه‌وا له‌ ساڵی 2022 یاخود 2023 گه‌شتی دورودرێژی بێ وه‌ستان ده‌ستپێده‌كات.

شەپۆلەکانی نەوا

  • زۆرترین خوێندراو
  • دواترین هەواڵ
Copyright © 2017 - Radio Nawa. Designed and Developed by Avesta Group