نەوا
هەردوو حكومەتی هەرێمی كوردستان و عیراق لە رێككەوتن لەسەر بودجەی 2020 نزیكدەبنەوە و رۆژی شەممەش شاندێكی هەرێم بۆ ئەو مەبەستە دەچێتە بەغدا.
شاندەكەی هەرێمی كوردستان بە سەرۆكایەتی ئاوات شێخ جەناب وەزیری دارایی حكومەت دەبێت و بڕیارە پێشنیوەڕۆ لەگەڵ عادل عەبدولمەهدی سەرۆك وەزیران و فوئاد حسێن وەزیری دارایی عیراق كۆببنەوە.
لەوبارەیەشەوە فارس عیسا نوێنەری حكومەتی هەرێمی كوردستان لە بەغدا لەلێدوانێكی رۆژنامەوانیدا وتویەتی "لێكنزیكبونی زۆرباش هەیە و چاوەڕواندەكەین لەبارەی دیاریكردنی پشكی هەرێمی كوردستان لە بودجەی 2020 بگەن بە رێككەوتن".
ئەوەشی ئاشكراكردوە، كە پێشتر حكومەتی عیراق چەند پێشنیارێكی خستوەتەبەردەم هەرێمی كوردستان بۆئەوەی رێككەوتنیان لەبارەوە بكرێت.