نەوا
باڵیۆزخانەی ئەمریكا لە بەغدا رایگەیاند، كار لەسەر ئەوە دەكەن لەم هەفتەیەدا چەند گەشتێكی ئاسمانی رێكبخەن بۆ ئەو هاووڵاتییە ئەمریكییانەی دەیانەوێت عیراق جێبهێڵن.
باڵیۆزخانەكە لە راگەیەندراوێكدا ئاشكرایكردووە، لەگەڵ كۆنسوڵگەریی ئەمریكا لە هەولێر كار لەسەر ئەوە دەكەن لەم هەفتەیەدا چەند گەشتێكی ئاسمانی بۆ ئەو هاووڵاتییە ئەمریكییانە رێكبخەن، كە دەیانەوێت عیراق جێبهێڵن و لەوبارەیەوە چەند رێكار و بژاردەیەكیان دیاریكردوە.
باڵیۆزخانەی ئەمریكا لە بەغدا داوای لەو هاووڵاتیانەی وڵاتەكەشی كردوە، كە دەیانەوێت عیراق جێبهێڵن، فۆڕمی تایبەت پڕبكەنەوە، تا كار لەسەر ئەوە بكرێت لە گەشتە ئاسمانییەكانی ئەم هەفتەیەدا جێیان بۆ دابینبكرێت.
باڵیۆزخانەكە راشیگەیاندوە، گەشتە ئاسمانییەكان بێبەرانبەر نابێت و نرخی هەر تكتێك 2 هەزار و 500 دۆلارە.
باڵیۆزخانەی ئەمریكا لە بەغدا هیچ هۆكارێكی بۆ ئامادەكردنی ئەو گەشتە ئاسمانییانە دیارینەكردوە، بەوەی بەهۆی دۆخی ئەمنیی عیراقەوەیە، یان بەهۆی بڵاوبونەوەی ڤایرۆسی كۆرۆناوەیە.