نەوا
ژمارەیەك چەكدار هەڵیانكوتایەسەر ژنە چالاكوانێكی پارێزگای زیقار و دوای كوشتنی، دوو كوڕیشی برینداردەكەن و دواتر هەڵدێن.
سەرچاوەكانی هەواڵ بڵاویانكردوەتەوە، ژمارەیەك چەكداری نەناسراو لە شاری ناسڕیەی ناوەندی پارێزگای زیقار هەڵیانكوتاوەتەسەر ماڵی "مەلایە ئوم عەباس"، كە یەكێكە لە ژنە چالاكوانەكانی شاری ناسڕیە و لە خۆپیشاندانەكاندا بەردەوام خۆپیشاندەرانی هانداوە و هوتافی دژی دەسەڵاتدارانی كێشاوە.
بەپێی زانیاریەكان، ئەو چەكدارانە "مەلایە"یان كوشتوە و دوو كوڕیشیان برینداركردوە، دوای كردەوەكەشیان هەڵاتون بۆ شوێنێكی نادیار.
سەرەڕای ئەوەی خۆپیشاندانەكانی عیراق بەهۆی بڵاوبونەوەی ڤایرۆسی كۆرۆناوە لە سەرتاسەری عیراقدا وەستێنراون، بەڵام گروپە چەكداریەكان بەردەوامن لە كوشتنی چالاكوانانی خۆپیشاندانەكان.