توركیا دەستی بەسەر چوار شارەوانی دیكەی باكوری كوردستاندا گرت
15/05/2020
نەوا
توركیا چوار هاوسەرۆكی شارەوانی هەدەپەی لە باكوری كوردستان لەسەر كارەكانیان دەركرد و لە شوێنیان قەیومی دانا.
بەیانی رۆژی هەینی پۆلیسی توركیا هەڵیانكوتایە سەر شارەوانییەكانی سەر بە پارتی دیموكراتی گەلان (هەدەپە) لە شارەكانی ئیدر، مسرج، سێرت و خانا هەوێل و دەستیان بەسەرداگرتن.
پۆلیس گەمارۆی بینای شارەوانییەكانیان داوەو هاوسەرۆكانی ئەو شارەوانییانە لەسەر كارەكانیان دەركران و دەستگیر كران، لە شوێنی ئەوان قەیوم دانران.
لەكۆی 65 شارەوانیی هەدەپە، توركیا دەستی بەسەر 47 شارەوانییدا گرتووە، ئەمە جگە لەوەی هەدەپە لە هەڵبژاردنەكاندا شەش شارەوانیی دیكەی بەدەستهێنابو، بەڵام توركیا هەر لە سەرەتاوە بەهیچ شێوەیەك ئەو شارەوانییانەی ڕادەستی هەدەپە نەكرد.