هۆشدارى له‌ بڵاوبونه‌وه‌ى ڤیدیۆكانى داعش ده‌درێت له‌ تیك تۆك

پێش 1 هەفتە عێراق

نه‌وا
ناوه‌ندى راگه‌یاندنى ئه‌لكترۆنى هۆشدارى له‌ بڵاوبونه‌وه‌ى ڤیدیۆكانى رێكخراوى داعش له‌ ئه‌پلیكه‌یشنى "تیك تۆك" ده‌داتـ به‌بێ ئه‌وه‌ى به‌رپرسانى ئه‌و ئەپلیكه‌یشنه‌ هیچ هه‌ڵوێستێكیان هه‌بێت.
ناوه‌ندى راگه‌یاندنى ئه‌لكترۆنى له‌ به‌یاننامه‌یه‌كدا بڵاویكردوه‌ته‌وه‌: سه‌دان ئه‌كاونتى ئه‌پلیكه‌یشنى تیك تۆك له‌ماوه‌ى رابردودا دروست كراون، به‌بێ ئه‌وه‌ى به‌رپرسانى ئه‌و ئه‌پلیكه‌یشنه‌ هیچ هه‌ڵوێستێكیان هه‌بێت و رێگرى بكه‌ن.
رونیشكراوه‌ته‌وه‌: هه‌ندێك له‌و ئه‌كاونتانه‌ به‌شێوه‌یه‌كى ئاشكرا ئاڵاى داعشیان له‌سه‌ره‌ و نه‌سڕدراونه‌ته‌وه‌ و به‌هۆى دواكه‌وتنى سڕینه‌وه‌یان ئه‌پلیكه‌یشنه‌كه‌ پشتگیرى تیرۆر ده‌كات به‌ ئاشكرا.
ناوه‌نده‌كه‌ باسى له‌وه‌شكردوه‌: ئه‌و گرته‌ ڤیدیۆییانه‌ى بڵاوده‌كرێنه‌وه‌ بریتین له‌ بانگه‌كه‌شه‌كردن و هاندان بۆ شه‌ڕ و كوشتن و رقلێبونه‌وه‌، هه‌ندێكیشیان پیاهه‌ڵدانن به‌ سه‌ركرده‌ تیرۆرستیه‌كان و بڵاوكردنه‌وه‌ىوێنه‌یان، ئه‌وه‌ش سه‌ره‌ڕاى وێنه‌ى ئه‌و ناوچانه‌ى داگیریان كردبو.
ناوه‌ندى راگه‌یاندنى ئه‌لكترۆنى داواش له‌ ئه‌پلیكه‌یشنه‌كه‌ ده‌كات هه‌وڵه‌كانى چڕ بكاته‌وه‌ بۆ ئه‌وه‌ى نه‌بێته‌ سه‌كۆیه‌ك بۆ تیرۆر و بڵاوكردنه‌وه‌ى بیرۆكه‌ى تیرۆرستى له‌ناو نه‌وه‌ گه‌نجه‌كاندا.

شەپۆلەکانی نەوا

  • زۆرترین خوێندراو
  • دواترین هەواڵ
Copyright © 2017 - Radio Nawa. Designed and Developed by Avesta Group