كاروانێكی تری ڤاكسینی فایزەر گەیشتە عێراق و هەرێم

پێش 4 هەفتە

نەوا-
وەزارەتی تەندروستی عێراق ئاشكرایكرد، كاروانێكی تری ڤاكسینی فایزەر گەیشتووە و بەسەر پارێزگاكان و هەرێمی كوردستاندا دابەش كراوە.
وەزارەتی تەندروستی لە بەیاننامەیەكدا بڵاویكردووەتەوە، كاروانێكی تری ڤاكسینی كۆمپانیای فایزەر گەیشتووەتە عێراق.
ئەوەش هاتووە، كاروانەكە بەسەر بەڕادەكاندا دابەش كراوە و لە یەك كاتدا نێردراون بۆ سەرجەم پارێزگاكان، لەناویشیاندا هەرێمی كوردستان.
وەزارەتی تەندروستی عێراق گرێبەستی لەگەڵ چەندین كۆمپانیادا كردووە بۆ كڕینی ڤاكسینەكان و ناوبەناو كاروانێك لەو ڤاكسینانە دەگاتە عێراق، لە دیارتریشنیان ڤاكسینەكانی "فایزەر -بیۆنتیك"ی ئەمریكی - ئەڵمانی، "ئەسترازینیكا"ە بەریتانی - سویدی و "سینۆفارم"ی چینی.

شەپۆلەکانی نەوا

Copyright © 2017 - Radio Nawa. Designed and Developed by Avesta Group