تاڵیبان بە چەکی کۆچبەران هەڕەشە لە وڵاتانی رۆژئاوایی دەکات

13/10/2021 جیهان

نەوا                    
تاڵیبان هۆشداری دەداتە ئەمریکا و ئەوروپا کە هەر جۆرە هەوڵێک بۆ لاوازکردنی حکومەتی بزوتنەوەکەیان لە رێگەی سەپاندنی سزا و گەمارۆوە کاریگەری دەکاتە سەر ئاسایشی جیهان و دوور ننیە ببێتە هۆی سەرهەڵدانی لێشاوێکی کۆچبەران.
ئەمیرخان موتەقی، وەزیری دەرەوەی تاڵیبان بە وەکالەت رایگەیاند: پێویستە ئەمریکا و ئەوروپا گەمارۆکانیان لەسەر ئەفغانستان هەڵبگرن بۆ ئەوەی بانکەکانی وڵاتەکەی بتوانن دەست بە کارەکانیان بکەنەوە و موچەی فەرمانبەران و موچەخۆران بدەن.
وتیشی: ماوەی چەند مانگێکە نزیکەی نیو ملیۆن فەرمانبەر و موچەخۆری حکومەت مووچەیان وەرنەگرتووە، ئەمەش بە هۆی سزا و گەمارۆ نێودەوڵەتییەکانەوە.
باسی لەوەشکرد، هەڵگرتنی گەمارۆکان دەبێتە هۆی بەگەڕخستنەوەی کار و چالاکییەکان و ئەمەش بووژانەوەی ئابوری ئەفغانستانی لێدەکەوێتەوە، بەپێچەوانەوە دوو نییە بەردەوامی ئەو سزا و گەمارۆیانە مەترسی لەسەر ئاسایشی جیهان دروست بکەن و ببنە هی دروستبوونی لێشاوێکی نوێی کۆچبەران.

شەپۆلەکانی نەوا

Copyright © 2017 - Radio Nawa. Designed and Developed by Avesta Group