نەوا-
رێكخراوی فاو ئاشكرای كردووە، خواردنی برنج لە عیراق زیادی كردووە و پێشبینی دەكەن لەمساڵدا یەك ملیۆن و 800 هەزار تۆن برنج هاوردەی عیراق بكرێت.
رێكخراوەكە بڵاویكردووەتەوە، پێشبینی ئەوە دەكەن هاوردە كردنی برنج لە ساڵی 2022دا لە عیراق بگاتە یەك ملیۆن و 800 هەزار تۆن، ئەوەش لەكاتێكدایە لەساڵی 2020دا بڕی 900 هەزار تۆن هاوردە كراوە و لەساڵی 2021یشدا بڕی یەك ملیۆن و 100 هەزار تۆن بووە.
فاو لە بەشێكی تری بڵاوكراوەكەیدا ئەوەی رونكردووەتەوە، ناتوانرێت بزانرێت چەند برنج لە عیراق بەرهەم دەهێنرێت چونكە داتای تەواویان لەبەردەستدا نییە، بەڵام لەم ساڵانی 2020 و 2021دا بڕی 300 هەزار تۆن بەرهەمهێنراوە.
بەپێی داتاكانی هەمان رێكخراو، بەو پێیەش تێكڕای بەكارهێنانی برنج بۆ هەر تاكێكی عیراقی لەمساڵدا 37 كیلۆگرام دەبێت، لەكاتێكدا لەساڵانی پێشتر كەمتر بووە.