نەوا-
بڕیارە نوسینگەی مافی مرۆڤی یونامی لە هەولێر مەشقێك پێشكەش بە وەزارەتی پێشمەرگە بكەن بەئامانجی ئاشنابون بە یاسا مرۆییەكان.
لە راگەیەنراوێكدا دیندار زێباری رێكخەری راسپاردە نێودەوڵەتییەكانی حكومەتی هەرێم بڵاویكردوەتەوە، لەگەڵ زەفیر ئو دین بەرپرسی نوسینگەی مافی مرۆڤی یونامی لە هەولێر كۆبوەتەوەو بەگرنگیەوە باسیان لە رۆڵی پێشمەرگە لەشەڕی روبەڕوبونەوەی تیرۆرو پاراستنی ئاشتی و سەقامگیری ناوچەكەدا كردوە، لە هەمانكاتدا پەیوەستبون بەڕێساو یاسا نێودەوڵەتییەكانی مافی مرۆڤ لەكاتی ململانێكاندا.
دیندار زێباری راشیگەیاندوە، هەر بۆ ئەم مەبەستە بەهەماهەنگی نوسینگەی رێكخەری راسپاردە نێودەوڵەتییەكان و یونامی بڕیار وایە مەشقێك پێشكەش بە وەزارەتی پێشمەرگە بكەن بەئامانجی زیاتر ئاشنابونی ئەفسەرانی وەزارەتەكە بە یاسا مرۆییە نێودەڵەتییەكان لەكاتی ململانێكاندا.