وەزیری تەندروستیی عیراق وادەی كۆتاییهاتنی مەترسی كۆرۆنا ئاشكرادەكات

02/04/2020 عێراق

نەوا
جەعفەر عەللاوی وەزیری تەندروستیی عیراق پێشبینی دەكات لە كۆتاییەكانی مانگی ئایاری داهاتودا، مەترسییەكانی ڤایرۆسی كۆرۆنا لە عیراقدا نەمێنێت.
عەللاوی بە كەناڵی ئەلعیراقییەی فەرمی عیراقی وتوە، كادرانی تەندروستی ئامادەن بۆ روبەڕوبونەوەی هەر پێشهاتێكی بە پەلە لە وڵاتدان كە لە ئەنجامی ڤایرۆسی كۆرۆنای نوێ بێتەئاراوە.
وتیشی "پێشبینی دەكەم لە كۆتاییەكانی مانگی ئایاری داهاتو، كۆتایی مەترسی ڤایرۆسی كۆرۆنا بێت لە وڵاتدا ئەگەر هاتو خەڵك پابەندی كەرەنتین بن".
هەروەها جەعفەر عەللاوی وەزیری تەندروستیی عیراق داوای لە هاووڵاتیان كرد پابەندی قەدەغەی هاتوچۆ بن تا ئەو قەیرانەی بەهۆی كۆرۆناوە هاتوەتەپێشەوە، تێیپەڕێنن.

شەپۆلەکانی نەوا

Copyright © 2017 - Radio Nawa. Designed and Developed by Avesta Group