نەوا-
بەبۆنەی 50هەمین ساڵیادی دامەزراندنی حزبەكەیەوە، محەمەد حاجی مەحمود سەرۆكی پارتی سۆسیال دیموكراتی كوردستان رایگەیاند، ئەگەر پەرلەمانی كوردستان لە دوو ساڵی رابردودا كارا بوایە دەكرا چەندین یاسای نوێ دەربكرێن و ئەو بڕیارانەی لەلایەن بەغداوە دژی هەرێمی كوردستان دەرچون هەڵبوەشێنرێنەوە.
محەمەدی حاجی مەحمود داواشی لە سەرجەم هێزەكان كرد هاوكاربن بۆ كاراكردنەوەی پەرلەمان و خێراكردنی هەنگاوەكانی پێكهێنانی كابینەی نوێی حكومەت، چونكە گۆڕانكارییەكانی رۆژهەڵاتی ناوەڕاست بە تەواوی گرێدراون بە پرسی كوردەوە، بەبێ بونی ئاسایش لە هەرێمی كوردستان سەقامگیری لە هیچ بەشێكی ناوچەكە بەدی نایەت.