نەوا-
سەرچاوەیەكی ئەمنی رایگەیاندوە، لە ناوچەی پردێ (ئاڵتون كوپری) سەر بە پارێزگای كەركوك پێكادان لە نێوان دەزگای بەرەنگاربونەوەی تیرۆرو چەكدارانی داعش سەریهەڵداوەو لە ئەنجامدا دو تیرۆریست كوژراون.
لە بەیاننامەیەكدا كە دەست بەغداد ئەلیەوم كەوتوە ئەوەش راگەیەنراوە، لە ئەنجامی پێكادانەكەی دژە تیرۆری عیراق و داعشدا دو تیرۆریست كە پشتێنی تەقینەوەیان لەبەردا بوە كوژراون، هاوكات ئۆپەراسیۆنە ئەمنییەكانیش بەردەوامن بۆ بەدواداچون و دۆزینەوەی ئەندامانی ئەو رێكخراوە لە ناوچەكەدا.