دەزگای لوتكە بۆ كاروباری ئاوارەو پەنابەران لە دژی ناردنەوەی زۆرەملێی پەنابەران لە بەریتانیا رایگەیاند، هەوڵی جدی دەدەن بۆ راگرتنی ناردنەوەی بەزۆری پەنابەران.
لە راگەیەنراوێكدا دەزگای لوتكە ئاماژەی بەوەكردوە، بەداخەوە لە هەلومەرجێكدا كە چەندین قەیرانی سیاسی و ئابوری و كۆمەڵایەتی بەرۆكی ئەم هەرێمەی گرتوە، پرسی بە زۆر ناردنەوەی پەنابەرانی عیراقی جارێكی دیكە قەیران بۆ كۆی پرۆسەكانی عیراق و هەرێمی كوردستان زیاد دەكات، دەزگای لوتكە لە هەوڵی جدی و بەردەوامدا دەبێت بۆ راگرتنی دیپۆرتی زۆرەملێی پەنابەرانی كورد لە بەریتانیاوە.
ئاماژەی بۆ ئەوەشكردوە، سەرجەم رێگا مەدەنییەكان دەگرنەبەر لەگەڵ رێكخراوە نێودەوڵەتی و ناوخۆییەكان فشار دروست ەكەن لەسەر نوێنەرایەتی وڵاتی بەریتانیا لە عیراق و رێگەنادەن بەو شێوە روونە پێشێلی مافەكانی مرۆڤ بكرێت، هاوكات روودەكەینە حكومەتی عیراق و بە فەرمی داوا دەكەین رێگا نەدرێت ئاسمانی هەرێمی كوردستان بە مەبەستی دیپۆرتی زۆرەملێ بەكاربهێنرێت.