بەڕێوەبەرایەتی ئاسایشی پارێزگای سلێمانی دوای روبەڕوبونەوە لەگەڵیدا بازرگانێك بە زیاتر لە 30 كیلۆ مادەی هۆشبەرەوە دەستگیر دەكەن.
بەگوێرەی راگەیەنراوێكی ئاسایشی سلێمانی ئاماژە بەوەكراوە، ئەو چالاكییەیان لە درێژەی هەڵمەتەكانی بەگژداچونەوەی بازرگانیكردن و بەكارهێنانی مادەی هۆشبەرە، لەسەر راسپاردەو رێنماییەكانی سەرۆكی دەزگای ئاسایشی هەرێم و بەفەرمانی دادوەر لەشەوی 22-6 لەسەر رێگەی سەرەكی نزیك گەڕەكی تاسڵوجەی شاری سلێمانی پاش كۆكردنەوەی زانیاری و چاودێریكردنی وردو روبەڕوبونەوەی هێزەكانی ئاسایش لەگەڵ تۆمەتبارو دروستبونی تەقەكردن، توانیان بازرگانێكی مادەی هۆشبەر دەستگیربكەن و دەستبگرن بەسەر بڕی 32 كیلۆ مادەی هۆشبەر لەجۆری كریستاڵ  كە تۆمەتبار لەدەرەوەی هەرێمی كوردستان  هێنابویە ناو شاری سلێمانی و بەنیاز بوە بیبات بۆ شاری هەولێر.