نەوا-
ناڕەزایەتیەكان و خۆپیشاندانەكانی چین بەهۆی توندتركردنی رێكارەكارەنی خۆپارێزی كۆرۆنا بەردەوامەو هاوڵاتیان بە ئاشكرا توڕەیی خۆیان لە سەركردەكانی پارتی كۆمۆنیستی ئەو وڵاتە نیشاندەدەن.
هەزاران خۆپیشاندەر لە شاری شەنگەهای بڵاوبونەوە و رژانە سەر شەقامەكان و دروشمی دەستلەكاركێشانەوەی شی جی بینگ سەرۆك كۆماری وڵاتەكەیان بەرزكردەوە.
بەپێی ئەو زانیاریانەی ئاژانسەكان بڵاویانكردۆتەوە، ژمارەیەك هاوڵاتی چینی لەناو خۆپیشاندانەكاندا دەستگیركراون و خراونەتە ناو ئۆتۆمبێلەكانی پۆلیس، هەروەها خوێندكارانی زانكۆكانی پەكین و نانجینگیش خۆپیشاندانیان دەستپێكردوە.
بڵاویشكراوەتەوە، دوایین نارەزایەتیەكانی خۆپیشاندەران ئەوەبوە كە بەهۆی كەرەنتینەوە كە لە ناوچەیەكی باكوری رۆژئاوای چین 10 كەس لەناو باڵەخانەیەكدا سوتاون و گیانیانلەدەستداوە، بەڵام دەسەڵاتدارانی ئەو وڵاتە ئەوەیان رەتكردۆتەوە كە روداوەكە بەهۆی كەرەنتیەوە بوبێت.