نەوا-
وەزارەتی خوێندنی باڵاو توێژینەوەی زانستی رایدەگەیەنێت، رۆژی سێشەممە 14/10 لەكۆنگرەیەكی رۆژنامەوانیدا ئەنجامەكانی وەرگرتنی دەرچوانی 12ی ئامادەیی لە زانكۆ و پەیمانگەكان بۆ ساڵی نوێی خوێندنی 2025-2026 رادەگەیەنرێت.
وەزارەتی خوێندنی باڵا راشیگەیاندوە، دوای راگەیاندنی ئەنجامەكان دەستدەكرێت بە پرۆسەی خوێندنی قۆناغی یەكەم لە زانكۆكان، بۆیە پێویستە لەسەر وەرگیراوان لەدوای راگەیاندنی ئەنجامەكان راستەوخۆ پەیوەندی بە زانكۆكانیان بكەن بۆ ئەم مەبەستەش زانكۆكانی هەرێمی كوردستان ئامادەكاری پێویست دەكەن بۆ پێشوازیكردن لە وەرگیراوان بۆ ساڵی نوێی خوێندن.