نەوا-
وەزارەتی دارایی و ئابوری هەرێم لە ڕاگەیەنراوێكدا بڵاویكردەوە، ڕۆژی یەكشەممە 2ی تشرینی دوەم موچەی مانگی (ئاب)ی مامۆستایانی گرێبەستی وەزارەتی پەروەردە و خوێندنی باڵاو توێژینەوەی زانستی دابەشدەكرێت.
باسی لەوەشكردوە، هاوكات هەمان ڕۆژ موچەی مانگی (ئاب)و موچەی مانگی (شوبات)ی ساڵی 2025ی سەرجەم ئەو فەرمانبەرانە دابەشدەكرێت كە لە دوای 1ـی (تەمموز)ـی 2024ـەوە بەشێوەی گرێبەست و هەمیشەیی لەسەر میلاكی دامەزراوەكانی حكومەتی هەرێم دامەزراون.
هەر بەگوێرەی ڕاگەیەندراوەكەی وەزارەتی دارایی و ئابوری، شایستەكانی سەرۆجەم ئەو مامۆستان و فەرمانبەرانەی كە بەشێوەی گرێبەست و میلاك دامەزراون، لەسەر داهاتی ناوخۆی هەرێمی كوردستان خەرج دەكرێت.