یەكەم بەرپرسی باڵای عیراقی تووشی كۆرۆنا بوو

28/03/2020 عێراق

نەوا
وەزارەتی بازرگانی عیراق بڵاویكردەوە، بریكارێكی پێشكەوتوو لەو وەزارەتە تووشی كۆرۆنا بووە.
بەپێی راگەیەنراوێكی وەزارەتی بازرگانی عیراق وەلید حلو بریكاری پێشكەوتووی وەزارەتەكەیان تووشیڤایرۆسی كۆرۆنابووە.
راشیگەیاندووە، لە ئێستادا ئەو بەرپرسەی وەزارەتی بازرگانی لەیەكێك لە نەخۆشخانەكانی شاری بەغدا لە ژێر چاودێری پزیشكیدایە.
رونیشیكردۆتەوە، وەلید حلو پێش و پاش تووشبوونەكەی هیچ بەركەوتنێكی لەگەڵ وەزیر و بەرپرسانی تری وەزارەتی بازرگانیدا نەبووە، ئەمەش بە هۆی ئەوەی زیاتر لە 15 رۆژ بە هۆی نەخۆشیەكی ترەوە لە مۆڵەتدا بووە.
لە عیراق زیاترلە 500 حاڵەتی تووشبوون بە كۆرۆنا تۆمار كراون و ئەمەیەكەم حاڵەتی تووشبوونی بەرپرسانە لە وڵاتەكەدا.

شەپۆلەکانی نەوا

Copyright © 2017 - Radio Nawa. Designed and Developed by Avesta Group