نەوا
شارەزایەكی ئابوری عێراق پێشنیاز دەكات لە ئەگەری بەرزبوونەوەی نرخی یەك بەرمیل نەوت بۆ سەرووی 55 دۆلار نرخی دینار بەرامبەر بەدۆلار بەرزبكرێتەوە.
ئانتوان جەمیل شارەزای بواری ئابوری لە عێراق رایگەیاند، ئەگەر بێت و نرخی یەك بەرمیل نەوت بگاتە سەرووی 55 دۆلار كورتهیچنانی بودجە كەمدەبێتەوە و بەوەش حكومەت دەتوانێت جارێكی تر دەستكاری بەهای دراوی نیشتمانی بكات و بەهاكەی بەرامبەر بە دۆلار بەرز بكاتەوە.
ئاشكراشی كرد، پێشنیازیان كردووە، پێشنیازی كەمكردنەوەی نرخی دۆلاریان بۆ حكومەتی عێراقی كردووە بە جۆرێك كەمبكرێتەوە بۆ نیوەی ئەو نرخە زیادەی ئێستای كە چووەتە سەری.
وتیشی، هەر بە هەمان هۆكار حكومەت دەتوانێت پێداچونەوە بە رێژەی لێبڕینی موچەش بكات، كە بەهۆی كورتهێنانی داراییەوە پەنای بۆ بردووە.
ئاماژەی بۆ ئەوەش كرد، پاش دۆزینەوەی ڤاكسینی كۆرۆنا جوڵەی خستەبازاڕەكان و نرخی نەوت بەرزبوونەوەی بە خۆیەوە بینیوە و بەو هۆیەشەوە چاوەڕواندەكرێت هەر بەرمیلێك نەوت بگاتە نزیكەی 60 دۆلار.
بەهۆی دابەزینی نرخی نەوتەوە حكومەتی عێراق تووشی كورتهێنانی دارایی بوو، بۆ چارەسەركردنیشی پەنای بۆ قەرزكردن، لێبڕینی بەشێك لە موچە و دابەزاندنی بەهای دینار بردووە.