نەوا-
بێگەرد تاڵەبانی وەزیری كشتوكاڵ و سەرچاوەكانی ئاوی هەرێمی كوردستان رایگەیاند، پێدانی قەرزی 15 بۆ 100 ملیۆن دیناری بە جوتیاران و دەرچوانی كۆلێژی كشتوكاڵی دەستپێدەكات.
بێگەرد تاڵەبانی لە كۆنگرەیەكی رۆژنامەوانیدا وتی، لەگەڵ بانكی قیرتاس یاداشتی لێكتێگەیشتنیان واژۆكردووە، بۆ پێدانی قەرز بە جوتیاران و دەرچووانی كۆلێژی كشتوكاڵ و ڤێتێنەری.
رونیشیكردووەتەوە، پرۆژەی بچووك و مامناوەندیان هەیە و بڕی قەرزەكەش لەنێوان 15 ملیۆن دینار بۆ 100 ملیۆن دینار دەبێت، ماوەی دانەوەی قەرزەكە تاوەكو 5 ساڵە و دوای 6 مانگ لە دەستبەكاربوونی پرۆژەكە دەست بەدانەوەی دەكرێت و هیچ سودێكی ناچێتەسەر.
بە وتەی وەزیری كشتوكاڵ و سەرچاوەكانی ئاو، لەمڕۆ دووشەممەوە بەڕێوەبەرایەتییە گشتیەكانی وەزارەتی كشتوكاڵ بیرۆكەكان وەردەرگرن، دوای ئەوەی هەڵسەنگاندنی تەواوەتی بۆ دەكرێت ئاراستەی بانكی قیرتاس دەكرێت، پاشان رێكارەكانی بۆ دەگیرێتەبەر تاوەكو خاوەنی بیرۆكەكە سودمەندبێت.