لەتیف رەشید بۆ تەیف سامی: دواكەوتنی موچە كاریگەریی راستەوخۆی لەسەر ژیان هەیە

پێش 2 هەفتە

نەوا-
سەرۆك كۆماری عیراق و وەزیری دارایی كۆبونەوەو باسی خەرجكردنی موچەی فەرمانبەرانی هەرێمی كوردستانیان كرد.
بەگوێرەی راگەیەنراوێكی سەرۆكایەتی كۆماری عیراق، لەتیف رەشید سەرۆك كۆماری عیراق پێشوازیكردوە لە تەیف سامی وەزیری دارایی و چەندین دۆسیەی ئابوری و داراییان تاوتوێكردوە.
راشیگەیاندوە، سەرۆك كۆماری عیراق تەئكیدی لەپێویستی خەرجكردنی موچەی فەرمانبەرانی هەرێمی كوردستان و خانەنشینان و چین و توێژەكانی تر كردۆتەوە بەتایبەت دوای بڕیارەكەی دادگای فیدراڵی.
 راشیگەیاندوە، دواكەوتنی خەرجكردنی شایستەكان كاریگەریی راستەوخۆی لەسەر رەوشی ژیان و ئابوری و كۆمەڵایەتی هەرێم هەیە.
لەلایەن خۆشیەوە تەیف سامی وەزیری دارایی عیراق ئاماژەیكردوە كە پەرۆشن بۆ جێبەجێكردنی پەیڕەوی وەزارەتەكەیان بۆ رەخساندنی هەلی كارو پەرەپێدانی ئابوری كە خزمەتگوزاری باشتر پێشكەشی هاووڵاتیان بكات.

شەپۆلەکانی نەوا

Copyright © 2017 - Radio Nawa. Designed and Developed by Avesta Group