نەوا-
شانەی راگەیاندنی ئەمنی عیراق كوژرانی پێنج چەكداری داعشی لەپارێزگای كەركوك راگەیاند.
شانەی راگەیاندنی ئەمنی لە راگەیەنراوێكدا ئاماژەی بەوەداوە، فڕۆكە جەنگییەكانی عیراق بە پشتبەستن بە زانیارییە هەواڵگرییەكان لەمیانی هێرشێكدا حەشارگەیەكی چەكدارانی داعشیان لە ناوچەی دۆڵی زەغیتون لە باشوری پارێزگای كەركوك بۆردومان كردوە.
راشیگەیاندوە، لە ئاكامی بۆردومانەكەدا پێنج چەكداری داعش كوژراون و حەشارگەیەكیش خاپوركراوە.
