نەوا-
وتەبێژی كۆمسیۆنی باڵای سەربەخۆی هەڵبژاردنەكان دەڵێت، زیاتر لە 825 هەزار كەس ناویان بۆ كارمەندی سەر سندوقەكانی دەنگدان تۆماركردووە.
جومانە غەلای وتەبێژی كۆمسیۆنی باڵای سەربەخۆی هەڵبژاردنەكان رایگەیاند، ئەمڕۆ دوا وادەیە بۆ پڕكردنەوەی فۆڕمی پێشكەشكردن بۆ كارمەندی سەر سندوقەكانی دەنگدان بە شێوەی ئەلیكترۆنی و رۆژی یەكشەممەش دوا وادەیە بۆ رادەستكردنی فۆڕمەكان بە بنكەكانی دەنگدان.
بە وتەی جومانە غەلای، تا ئێستا 825 هەزار و 907 كەس لە سەرجەم پارێزگاكانی عێراق فۆڕمەكەیان پڕكردووەتەوە.
ئەمە لە كاتێكدایە، بڕیارە هەڵبژاردنی ئەنجومەنی نوێنەرانی عێراق لە 11ـی تشرینی دووەمی ئەمساڵ بەڕێوەبچێت و بۆ ئەم مەبەستەش كۆمسیۆنی باڵای سەربەخۆی هەڵبژاردنەكان پێشتر رایگەیاندبوو كە پێویستیان بە 250 هەزار كارمەند هەیە.