نەوا-
وەزارەتی نەوتی عێراق لە راگەیەنراوێكدا ئاماژەی بەوەدا، بەپێی ئاماری رەسمی كۆمپانیای سۆمۆ، كۆی هەناردەی نەوت لە ئازاردا 18 ملیۆن و 604 هەزار بەرمیل بووە و داهاتەكەی ملیارێك و 957 ملیۆن دۆلارە.
باسی لەوەشكرد، كێڵگەكانی ناوەڕاست و باشوور پشكی شێریان بەركەوتووە و زیاتر لە 14 ملیۆن و 561 هەزار بەرمیلیان لێ هەناردە كراوە.
وەزارەتی نەوت ئاشكراشیكرد، نەوتی كەركوك لە رێگەی بەندەری جیهانی توركییەوە، بڕی دوو ملیۆن و 772 هەزار بەرمیل هەناردە كراوە، هاوكات بڕی نەوتی هەنادەكراوی هەرێمی كوردستان گەیشتووەتە ملیۆنێك و 271 هەزار بەرمیل.
راشیگەیاند كە بڵاوكردنەوەی ئەم ئامارانە لە چوارچێوەی شەفافیەت و ئاگاداركردنەوەی هاوڵاتییانە لە پرۆسەی هەناردە و داهاتی سامانی نیشتمانی.