نەوا-ئارام حسێن-دهۆك
عوسمان یونسی دیاركر ژی كو دنوكەدا و پشتی بەلاڤكرنا ڤان كوژمەیێن پارەیان بسەر بەلێندەران 6 ملیون دولارێن بەلێندەرێن دهوك وەك قەر ل دەڤ حكومەتا هەرێما كوردستانێ ماینە و ئەگەر حكومەت ڤی كوژمەیی ژی تەرخان بكەت و بهنێریت دێ هیچ قەرەكێ بەلێندەران ل دەڤ حكومەتێ نامینیت.
دداخویانیەكێ دا بو رادیویا نەوا عوسمان یونس جێگرێ پارێزگارێ دهوك راگەهاند كو پشتی سەرهلدانا قەیرانا دارایی ل سالا 2014 ب ئەگەرێ هاتنا چەكدارێن داعش لێ پشتی بورینا 4 سالان د نوكەدا روژ بو روژێ رەوش بەرەڤ باشبونێ دچیت و ماوەیەكە چەندین كوژمێن پارەیان گەهشتینە پارێزگەها دهوك كو ئێك ژ وان بەری هەیڤەكێ كو كوژمێ 35 ملیون دولاران لسەر بەلێندەرێن كو سوزنامە و بودجە ل بانكێ هەبیت رێژەیا 15ژسەدێ ژ قەرێ بوی بو هاتیە زڤراندن هەروەسان د ڤێ حەفتیێ دا دوو كوژمێن پارەیان گەهشتنە پارێزگەهێ كو یێن پترو دولاری یێن دەڤەرێن ڤەقەتیایی كو بەلێندەرێن دهوك پروژە ل وان دەڤەران ئەنجام دابون ل دەڤەرێن شنگال و زومار.
جێگرێ پارێزگارێ دهوك دیاركر ژی كو گەرا سێ یێ یا پارەیان ب كوژمێ ملیون دولاران گەهشتە پارێزگەهێ و ئەڤرو بسەر 62 بەلێندەران دابەش كرن و ب ڤێ چەندێ بەلێندەر دێ سود مەندبن و دێ بیتە ئەگەر كو لڤینەك ب كەڤیتە د بازاری دا و رەوش باشتر لێ بهێت.