نەوا
سبەی پەرلەمانی كوردستان پڕۆژەیاسای چاكسازیی لە خانەنشینی و موچە و دەرماڵە و بەخشین و ئیمتیازاتەكانی دیكە لە هەرێمی كوردستان دەخاتە دەنگدانەوە.
سەرۆكی پەرلەمانی كوردستان بانگهێشتنامەیەكی ئاراستەی پەرلەمانتاران كردوە بۆئەوەی سبەینێ (پێنجشەممە) لە دانیشتنی پەرلەماندا ئامادەبن، كە بەپێی كارنامەكەی، پڕۆژەیاسای چاكسازیی لە دەنگی لەسەر دەدرێت.
پەرلەمانی كوردستان لەمیانی دانیشتنی ئاسایی خۆیدا لە 12 و 13ی ئەم مانگەدا، خوێندنەوەی دووەمی بۆ پڕۆژەیاسای چاكسازیی لە خانەنشینی و موچە و دەرماڵە و بەخشین و ئیمتیازاتەكانی دیكە لە هەرێمی كوردستان كرد و مشتومڕێكی زۆری بەدوای خۆیدا هێنا، تەنانەت لە دانیشتنێكدا پەرلەمانتارانی سێ فراكسیۆن گرژی و ئاڵۆزییان دروستكرد، بەڵام خوێندنەوەی دووەم بۆ پرۆژەكە هەر كرا.