نەوا
لە هەولێر حەوت توشبوی دیكەی ڤایرۆسی كۆرۆنا تۆماركران، كە هەمویان بەركەوتەی توشبوەكەی دوێنێی شارەكەن.
وەزارەتی تەندروستیی هەرێم رایگەیاند، لە بەردەوامیی پشكنینەكان و گەڕان بەدوای گومانلێكراوان، 7 توشبوی دیكەی ڤایرۆسی كۆرۆنا لە پارێزگای هەولێر دەستنیشانكران، كە ئافرەتێكی تەمەن 35 ساڵ و دوو كچی تەمەن 15 ساڵ و 9 ساڵیان تێدایە، كە هەرسێكیان خانەوادەی توشبوەكەی دوێنێن و دانیشتوی گەڕەكی قەتەوی شاری هەولێرن ، هەروەها چوار پیاوی دیكەش توشبون، كە بەهەمانشێوە بەركەوتەی هاوپیشە و توشبوەكەی دوێنێی شاری هەولێرن.