نەوا
بەڕێوەبەرایەتی گشتی تەندروستی ڕاپەڕین، رونكردنەوەیەكی لەبارەی دەنگۆی توشبونی دو پزیشك بڵاوكردەوە و رایگەیاند، پشكنینیان بۆ ئەنجامدراوە و دەركەوتوە هەڵگری ڤایرۆسیی كۆرۆنا نین.
بەگوێرەی بەڕێوەبەرایەتی گشتی تەندروستی ڕاپەڕین، دەنگۆی توشبونی هەریەكە لە (د. عەلی ئیبراهیم سوارەو، عەلی قادر ئاڵی) پزیشكی پسپۆڕی هەناوی بەڤایرۆسی كۆرۆنا دورە لەڕاستیەوە و دوای ئەوەی لەلایەن تیمی بەڕێوەبەرایەتی گشتی تەندروستی ڕاپەڕینەوە پشكنین بۆ ئەو دو پزیشكە ئەنجامدرا، ئەنجامی پشكنینەكانیان نێگەتیڤ بوە.
تەندروستی ڕاپەڕین ئاماژەی بەوەشكردوە، "هەوڵ و ماندوبونی ئەو دو پزیشكە لە خزمەتكردنی هاوڵاتیانی سنورەكەمان بەتایبەت لەسەرەتای سەرهەڵدانی ڤایرۆسی كۆرۆنا لەسنورەكەمان بەرزدەنرخێنین و هیوای سەركەوتن و سەلامەتیان بۆدەخوازین".