نه‌وا
وەزارەتی كارەبای حكومەتی هەرێم ڕایدەگەیەنێت، كێشەی داناغاز چارەسەركراوه و پێدانی كارەبای نیشتمانی ئاسایی دەبێتەوە.
لە ڕاگەیەنراوێكدا وەزارەتی كارەبای حكومەتی هەرێم بڵاویكردۆته‌وه، "هاوبەشانی كارەبا ئاگادار دەكەینەوە كاتژمێر 5:00 ئەم ئێوارەیە گرفتە تەكنیكییەكەی دانەغاز ئاسایی بوەوە، ئەمەش دوای ئەوەی هەردو وەزارەتی سامانە سروشتیەكان و وەزارەتی كارەبا هاوكاری تیمەكانی كۆمپانیای دانەغاز بون و پێكەوە توانییان چارەسەری ئەو گرفتە تەكنیكیە بكەن."
ئاماژە بۆ ئەوەشكراوە، "وەزارەتی كارەبا راستەوخۆ هەر لەكاتی كەوتنەوەی گرفتەكەدا لەرێگەی تیمەكانی كۆنترۆڵی كارەبای هەرێم و وێستگەكان رێگایان نەدا كوژانەوەی گشتی كارەبا روبدات."
ئەمه‌ش لەکاتێکدایە، سەرلەبەیانی ئەمرۆ شه‌ممه وەزارەتی کارەبا رایگەیاند، بەهۆی ئەوەی کوژانەوەی گشتی لە کۆمپانیای داناغاز روویداوە، توانای بەرهەمهێنانی كارەبا لەهەرێمی كوردستان كەمبووەتەوە.