نەوا
ئەندامێکی پێشووی پەرلەمانی کوردستان هۆشداری
دەدات لە بارەی دۆخی ناوچە دابڕاوەکان و باس لەوە دەکات لە چوارساڵدا تەنها لە
خانەقین و دەوروبەری زیاتر لە چوار هەزار خێزان کۆچیان کردووە.
سالار مەحمود ئەندامی خولی پێشووی پەرلەمانی
کوردستان رایگەیاند: " بەهۆی نەبوونی پرۆژەی نیشتمانی و سەرقاڵی حزبەکان بەململانێی
لاوەکیەوە، پرسی ناوچەدابڕاوەکان بەخاک و خەڵکەوە بەتەواوی فەرامۆش کراوە".
ناوبراو باسی لەوەشکردوە، هاوڵاتیانی کورد بە
هۆی بێهیوایی لە پارێزگاریکردن لێیان ناوچەکانیان بۆ عەرەبەکان جێهێشتووە و هەر
لەو بارەوە ئاماژەی بەوەداوە، کە تەنها لە لە سنوری قەزای خانەقین بە ناحیەکانی جەلەولا
و سەعدیە و جەبارە و قەرەتەپە و گوندەکانەوە چوار هەزار و 230 خێزانی کورد بەرەو هەرێم
باریان کردوە" و لە سنوری ناوەندی قەزای خانەقینیش 36 گوند چۆڵ کراون".
ئەو ئەندامەی خولی پێشووی پەرلەمانی کوردستان
داوادەکات هەڵوەستەی جدی لەسەر ئەو پرسە بکرێت و پێشنیازیشی کردووە کۆنگرەیەکی
نیشتمانی سەبارەت بە پرسی ناوچە دابڕاوەکان ببەسترێت.