نەوا
وەزارەتی کارەبا رایگەیاند: كابینەی نۆیەمی
حكوومەتی هەرێمی كوردستان توانیویەتی لە ماوەی دوو ساڵ و چەند مانگێكی تەمەنی خۆیدا،
بڕی زیاتر لە 700 مێگاوات بەرهەمهێنانی وزەی كارەبا زیاد بكات.
لە رگەیەنراوێکدا وەزارەتی کارەبای حکومەتی
هەرێم ئاماژەی بەوەکردووە: کە كابینەی نۆیەمی حكوومەت لە ماوەی دوو ساڵدا، بەرهەمهێنانی
کارەبای لە دوو هەزار و 683 مێگاواتەوە بۆ سێ هەزار و 392 مێگاوات زیاد كردووە، کە
دەکاتە 709 مێگاواتی زیادکراو.
باسی لەوەشکردوە: کاتەکانی پێدانی کارەبای لە 14 کاتژمێرەوە
بۆ 17 کاتژمێر زیاد کردووە، کە دەکاتە 3:23 کاتژمێری زیادکراو.
راشیگەیاندوە، لەم دوو ساڵەدا ژمارەی هاوبەشانی
کارەبا لە یەك ملیۆن و 500 هەزار هاوبەشەوە بۆ زیاتر لە یەك ملیۆن و 700 هەزار
هاوبەش بەرز بووەتەوە.