تەندروستی هەولێر ئامادەكاریی بۆ بەرگرتن لە تای خوێنبەربون دەكات

11/05/2022

لەشاری هەولێر كۆبونەوەی هاوبەشی لیژبەی باڵای بەرەنگاربونەوەی پەتای تای خوێنبەربون و لیژنەی زانستی چارەسەری پەتاكە لەگەڵ  بەڕێوەبەرایەتییەكانی سەر بە بەڕێوەبەرایەتی گشتی تەندروستی هەولێر كۆبونەوە.
بەپێی راگەیەنراوێكی بەڕێوەبەرایەتی گشتی تەندروستی هەولێر، دلۆڤان محەمەد بەڕێوەبەری گشتی تەندروستی هەولێر سەرپەرشتی كۆبونەوەی هاوبەشی هەردوو لیژنەكەی كردوەو باسیان لە بڵاوبونەوەی پەتای خوێنبەربون كردوە دوای ئەوەی لەخواروی عیراق چەند حاڵەتێك بڵاوبۆوەو لەشاری هەولێریش یەكەم حاڵەت دەستنیشانكرا كە گەنجێكی تەمەن 17 ساڵان بو.
ئاماژە بەوەشكراوە، لە كۆبونەوە هاوبەشەكەدا ئامادەكاری لە بەڕێوەبەرایەتیە تەندروستیەكان و نەخۆشخانەكانی سنوری شاری هەولێرو دەوروبەری كراوە هەروەها  بەپێویست زانراوە كاری لیژنەكانی چاودێری تەندروستی لەشوێنە گشتیەكان و سەربڕینخانەكان چڕبكرێنەوە بۆ بەدواداچون لەئاگاداربون لەجێبەجێكردنی رێنماییەكانی پاراستنی تەندروستی لەسنوری بەڕێوەبەرایەتیەكان.
دواتر هۆشداری دراوەتە هاووڵاتیان كە دەبێت لەسەرچاوەیەكی باوەڕپێكراو گۆشت بكڕن و پەنا بۆ كڕینی گۆشت لەشوێنەكانی دور لەڕێنماییەكانی تەندروستی نەكڕن، چونكە دەبێتەهۆی ئەگەری گواستنەوەی تای خوێنبەربون.

شەپۆلەکانی نەوا

Copyright © 2017 - Radio Nawa. Designed and Developed by Avesta Group