وەزیری پێشمەرگە واژۆی لەسەر ئاڵۆگۆڕكردنی 29 پۆستی باڵای تر كرد لە وەزارەتی پێشمەرگەدا.
بەپێی راگەیەنراوێك، لەدوای گۆڕانكارییەكانی هەریەك لەپۆستی سەرۆكی ئەركان و ئەمینداری گشتی وەزارەتی پێشمەرگە، شۆڕش ئیسماعیل وەزیری پێشمەرگە واژۆی لەسەر ئاڵوگۆڕی 29 پۆستی باڵای تر كرد لە وەزارەتەكەیدا.
راشگەیەنراوە، ئەم بڕیارەی وەزیری پێشمەرگە وەك هەنگاوێكی تری گۆڕانكارییەكانی ناو وەزارەت و بەرەوپێشبردنی زیاتری پرۆسەی چاكسازی ئەنجامدراوە، هەروەها ئاڵۆگۆڕكردنی پۆستەكان لە دەرئەنجامی پسپۆڕی و شارەزایی لەبوارەكاندا بوە.