عیراق رۆژانە یەك ملیۆن لیتر بەنزین لە كۆماری ئیسلامی ئێران و ئیماراتەوە هاوردە دەكات.
سەباح سوبحی ئەندامی لیژنەی نەوت و وزە لە ئەنجومەنی نوێنەرانی عیراق رایگەیاندوە، لە وەرزی هاویندا خواستێكی زیاتر لەسەر بەنزینی موحەسەن هەیەو پاڵاوگەكانی عیراقیش توانای دابینكردنی ئەو رێژە بەنزینەیان نیە بۆ هاووڵاتیان، بۆیە عیراق رۆژانە یەك ملیۆن لیتر بەنزین هاوردە دەكات لەو دوو وڵاتەوە.
راشیگەیاندوە، هاوردەكردنی ئەو رێژە بەنزینەش لە وەرزی هاویندا لە مانگێكەوە بۆ مانگێكی تر جیاوازەو بڕی هاوردەكردنەكەش دەگۆڕێت بەپێی گۆڕانكاری لە نرخی نەوت لە بازاڕەكانی جیهاندا.