موشەكێك ئاڕاستەی كێڵگەی كۆرمۆر سەر بە قەزای چەمچەماڵ كراو لێكۆڵینەوەكانیش لەوبارەیەوە دەستیانپێكردوە.
لە راگەیەنراوێكدا بەڕێوبەرایەتی گشتی هێزەكانی دژەتیرۆر بڵاویكردۆتەوە، پاش نیوەڕۆی ئەمڕۆ 22ی حوزەیران سەعات 4:45 خولەك، یەك كاتیۆشا لە شوێنێكی نادیارەوە ئاڕاستەی كێڵگەی كۆرمۆر كراوە، هیچ زیانێكی گیانی بەدواوە نەبوە.
راشیگەیاندوە، لە ئێستادا هێزەكانی سەر بە بەڕێوبەرایەتی گشتی دژەتیرۆر سەرقاڵی بەدواداچون و لێكۆڵینەوەن لە روداوەكەو لە داهاتودا تەواوی لێكۆڵینەوەكەو وردەكارییەكەی بۆ كۆمەڵانی خەڵكی كوردستان بڵاودەكەینەوە.