وەزارەتی گواستنەوە: رۆژانی تاقیكردنەوەكان هێڵەكانی ئینتەرنێت دەبڕدرێن

5 رۆژ پێش ئێستا

نەوا-
بەپێی بڕیارێكی وەزارەتی گواستنەوە و گەیاندن، لە رۆژانی تاقیكردنەوە گشتییەكانی قۆناغی ئامادەیی هێڵەكانی ئینتەرنێت بۆ ماوەی 4 كاتژمێر دەوەستێنرێن.
بەپێی نوسراوێكی وەزارەتی گواستنەوە و گەیاندن كە واژۆی ئانو جەوهەر وەزیری وەزارەتەكەی لەسەرە و ئاڕاستەی كۆمپانیاكانی ئینتەرنێت كراوە، بەبڕیاری سەرۆكایەتی ئەنجومەنی وەزیران لە رۆژانی تاقیكردنەوە گەشتییەكانی قۆناغی ئامادەیی بۆ خولی یەكەمی ساڵی 2021 بۆ 2022، هێڵەكانی ئینتەرنێت دەبڕدرێن.
رونیشكراوەتەوە، ئەویش لە كاتژمێر 6:30 خولەك تاوەكو 10:30 خولەكی بەیانی، لە پێناو رێگری كردن و نەهێشتنی دیارەدەی گزی "غش"، چونكە پاڵپشتی سەرەكی ئەو دیاردەیە هێڵەكانی ئینتەرنێتە.
تاقیكردنەوەی نیشتیمانی پۆلی 12ی ئامادەیی لە هەرێم، لە 27ی ئەم مانگەدا دەستپێدەكات و لە 25ی مانگی داهاتوودا كۆتاییان پێدێت.

شەپۆلەکانی نەوا

Copyright © 2017 - Radio Nawa. Designed and Developed by Avesta Group