نەوا-
شانەی راگەیاندنی ئەمنی عیراق بڵاویكردەوە، دوای ئەوەی لەناو خاكی سوریا دەستگیر كراون، 50 چەكداری رێكخراوی داعش لە دەروازەی سنوریی رەبیعەوە رادەستی لایەنی عیراقی كراونەتەوە.
شانەكە لە بەیاننامەیەكدا باسی لەوەكردووە، بە هەماهەنگی و هاوكاری هاوبەش، فەرماندەیی پرۆسە هاوبەشەكان 50 چەكداری رێكخراوی داعشی لە سوریا وەرگرتووەتەوە كە رەگەزنامەی عیراقییان هەیە.
رونیشكراوەتەوە، ئەوەش دوای ئەوەی ئەو چەكدارانە لەناو خاكی سوریادا دەستگیر كراون، پرۆسەی وەرگرتنەوەكەش لە دەروازەی سنوریی رەبیعە ئەنجام دراوە.
بەپێی بەیاننامەكەی شانەی راگەیاندنی ئەمنی، رێوشوێنە پێویستەكان بەرامبەر ئەو چەكدارانەی داعش دەگیردرێتە بەر، هەروەها راوەدونانی پاشماوەكانی داعش بەرەوام دەبێت تاوەكو بە سزای دادپەروەرانەی خۆیان دەگەن.