نەوا-
لیژنەی باڵای دیاریكردنی نرخی كارەبای كۆمەڵگاكانی نیشتەجێبون (سیتییەكان) كۆبونەوەیەكی سازكردو تیایدا نرخی كیلۆواتی كارەبای موەلیدەی بۆ مانگی 9 دیاریكرد.
بەڕێوەبەرایەتی گشتی كارەبای سلێمانی بڵاویكردۆتەوە، لەكۆبونەوەكەدا كە نوێنەری ئەنجومەنی سیتیەكانی ناوشاری سلێمانی ئامادەبون، بەگوێرەی نرخی گازوایل لەبازاڕو ئەو توێژینەوەیەی بۆ خەرجی موەلیدەی سیتییەكان ئامادەكراوە، نرخی كیلۆوات هاوەرێك كارەبای موەلیدەی ستییەكان بریتیە لە 274 دینار لەكاتێكدا مانگی 8 نرخی كێلۆوات هاوەرێك بە 276 دینار بوە.
ئاماژەشیكردوە كە پێویستە سەرجەم سیتییەكانی سنوری پارێزگای سلێمانی پابەندبن بەنرخەكەوە، بەپێچەوانەوە ئەگەر زیاتر لەو نرخە وەربگرن روبەڕوی رێكاری یاسایی دەكرێنەوەو سزادەدرێن.